Måndag 5. februar kl. 18.30 kjem historikar, journalist og forfattar Arnhild Skre til bibliotekamfiet og fortel, med eit nytt blikk på etterkrigstida, om barndom og oppvekst under den kalde krigen.

Billettar: 200,-
Kan kjøpast i bibliotekskranken eller ved å trykkje her.

Arr.: Stjørdal mållag og Stjørdal bibliotek

 

 

«Eg trudde lenge at eg voks opp i ei roleg tid på ein stad verna for verda. Larmen frå andre verdskrigen var stilna. Atomprøver small i den tidlege kalde krigen, men smella var langt borte.»

 

Slik tenkte historikaren Arnhild Skre lenge om barndommen sin i 1950-åra. Men no, med barndommen på avstand, har ei uro slått inn og skapt tvil. Kanskje levde ho også ein kaldkrigsbarndom?

 

Norsk NATO-medlemskap frå 1949. Frykta for atombomba. Koreakrigen 1950-1953. Kommunistjakt. Cubakrisa i 1962. I denne nyskapande og velskrivne essaysamlinga utforskar Skre korleis desse hendingane var med og forma norske barnesinn etter andre verdskrigen.

 

I “Kald krigs kviskring” blir idyllisk etterkrigsbarndom omskapt til forteljingar om kvardagslusking, forteiing, angst for atomkrig. Og om ein kaldkrigsmentalitet som velta rundt på norsk daglegliv og kultur.

Translate »